THE TIPPENY PIE
By Andrew Christie

One o' the things that I miss the most
When I think o' the days gone by,
Ye can't get it noo, for the recipes lost
It's the AULD FASHIONED TIPPENY PIE.

Ye can a' hae yer pheasants an' yer caviare too
Or the costliest dish ye can buy
But there's nane o' them can compare wi' the taste
O' the AULD FASHIONED TIPPENY PIE.

It was chock fu' o' mince, either mutton or beef
An' was juicy wi' gravy forby
An' the pastry sae short it wad melt I' yer mou'
That AULD FASHIONED TIPPENY PIE.

When ye used to try to impress a' yer guests
An' tickle their palates forby
Ye gaed them some tatties an' gravy an' peas
An' an AULD FASHIONED TIPPENY PIE.

When the standard o' living went up it was found
That the prices a' started to rise
When the price o' the mince got to ten bob a pound
'Twas the end o' THE TIPPENY PIE.

The government sets the minimum noo
Wi' twenty five per cent beef, they get by
An' instead o' us payin' our tippence today
We noo pay twa bob for A PIE.